Биз Бишкектин небере, чөбөрөлөрүбүз деп сыймыктанабыз. Ал
жөнүндө укканымды айтып берейин. Бул жөнүндө чоң аталарыбыз айтып отураар эле.
Солтонун үч уулу болгон: Күнтуу,
Култуу, Чаа
Чаа кичи зайыбынан болуптур. Чаа эчтекеден коркпогон,
тайманбаган, көбүнчө жоокерчиликте жүргөндү жакшы көрчү экен. Ошол тушта жоодон
олжолоп келген сулуу кыздан (аялынан) Жоочалыш төрөлөт. Жоочалыштын эки уулу
болгон: Кенен менен Белек
Кенендин үч уулу болуптур: Кемпирбек, Темир, Бишкек
Бишкек болсо кичи аялынан болгон. Ошондо Бишкек 1733 жылы
туулган десек туура келет
Бишкектин беш уулу болгон: Баймурат, Манаккозу, Манапбай,
Жорго, Ырыскул
Ар бир атанын балдары, өзүнчө бирден уруу болдук. Бизди
Жоочалыш деп коёт. Бишкек Жоочалыштын небереси. Бишкек өзүнчө бир уруу болуп
калган. Бул уруу жол алдында жашашат. Ушул эле калаабыздын биринчи коргонун
тургузган ошол Бишкек болчу. Ал Чаа чоң аталарына окшоп, эчтекеден кайра
тартпаган, эр жүрөк, баатыр экен. Бишкек 1820-жылы 87 жашында ушул калаабызда
каза болуптур дешет
