Ачкабыз деп үшкүрбө, Абышка, кемпир карылар. Ар кайсыны санасаң, Кетет го кубат-алыңар. Мүңкүрөбө, агаин, Күнүмдүк оокат табылаар. Карашпайт элдин алына, Өрт замандын байлары. Өксүбөй турган эмедей, Өз тукуму жайдары. Көмкөрүлүп төгүлөөр, Көктүн суусу, айраны. Кайрымы жок балдардын Корум болот койлору. Карашпай элден айрылып, Байлардын чыгаар ойрону. Түгөтүп бардык оокатын, Түрткүлөдү, жокчулук. Түңүлбө кемпир, абышка, Тирүүгө келет токчулук
Кара жемсөө байлардан, Жалтандырдың, жокчулук. Жайдыр-кыштыр жамаган Тон тийгиздиң, жокчулук. Жамаачы чапан, жаргак шым, Чом кийгиздиң, жокчулук. Жалдыратып байларга, Жалчы кылдың, жокчулук. Бал сөзүмдү манапка Эм кылбадың, жокчулук. Байдын жаман уулуна Тең кылбадың, жокчулук. Жан тындырбай мээнетке, Кармаштырдың, жокчулук. Бай-манапка жалдантып, Кош айдаттың, жокчулук
