Главная страница

Регистрация

Вход

english

  

Пятница, 20.10.2017, 22:46   

Приветствую Вас Гость | RSS  

  

   Элбилге :: Прикосновение к истории

   Elbilge :: Touch a History

Начало » Статьи » Кыргызча » Ак-Бак Заман

Кожо молдо

Кожо молдо

Токтораалы Талканбай уулу


Жок өткөндүн болжолу,
Тапкан залим олжону.
Бай-манаптар жаатташ,
Эшен, кожо, молдону.
Доорончу болгон молдосу,
Улак, козу олжосу.
Түшкөн жерден ат алган
Ол замандын кожосу.
Тозоку деп коркутчу
Жаман немее окутчу.
Жүрө албаган кедейге
Залимдер атын токутчу.
Бай-манаптын кожосу
Арамдан болгон олжосу.
Баары тегиз шум эле
Дубана, сопу, молдосу.
Ат бергенге тон берчү,
Кой бергенге кол берчү.
Теңге, тыйын бергенге
Араңдан зорго жол берчү

Өлүк-тирик аңдыган
Канчы болчу баарысы.
Айыл сайын кыдырган
Жарчы болчу баарысы.
Элдин камын жешкендей
«Жакшы» болчу баарысы.
Илим кайып айтышкан
Бакшы болчу баарысы.
Соргучтун сөзү эм болгон,
Баарына кедей жем болгон.
Илгерки өткөн бечара
Ар жоруктан кем болгон.
Илгеркинин залымы
Ушу болчу алымы.
Кожо-молдо манаптын
Баарынын окшош калыбы

Категория: Ак-Бак Заман | Добавил: elbilge (24.03.2010)
Просмотров: 783 | Рейтинг: 5.0 |

Меню сайта
Категории каталога
Тарых [7]
Ак-Бак Заман [28]
Ыр, санат, терме [27]
Санжыра [1]
Жомок [2]
Поиск по каталогу
Форма входа
Статистика
Онлайн всего: 1
Гостей: 1
Пользователей: 0

Наш опрос
На ваш взгляд - война 1939 - 1945 гг. это:
Всего ответов: 503
Друзья сайта

Copyright elbilge © 2003-2007 Сайт управляется системой uCoz